10 ຄຸນປະໂຫຍດຂອງໝາກມ່ວງ ພ້ອມຊ່ວຍຫຼຸດຄວາມສ່ຽງຂອງໂລກຫົວໃຈ
ລະດູຮ້ອນນີ້ເປັນລະດູຂອງຫມາກມ່ວງ, ຫມາກມ່ວງຖືໄດ້ວ່າເປັນລາຊາແຫ່ງຫມາກໄມ້ຂອງຄົນທຸກເພດທຸກໄວມັກນິຍົມຮັບປະທານແບບສົດຫລາຍກວ່າຫມາກໄມ້ອື່ນ ໆ ຍ້ອນຫມາກມ່ວງມີລົດຊາດຫວານ ແລະ ກິ່ນຫອມຍັງສາມາດຟື້ນຟູຈິດໃຈ ແລະ ເຮັດໃຫ້ເຮົາຮູ້ສຶກມີຄວາມສຸກໄດ້ອີກດ້ວຍ
ຫມາກມ່ວງມີຂະໜາດ ແລະ ຮູບຊົງທີ່ແຕກຕ່າງກັນຂຶ້ນຢູ່ກັບສາຍພັນ ຊຶ່ງມີສາຍພັນຫລາຍກວ່າ 1,000 ຊະນິດ, ໃນເນື້ອຂອງຫມາກມ່ວງຈະອຸດົມໄປດ້ວຍສານອາຫານ, ສານອອກລິດທາງຊີວະພາບ ແລະ ເສັ້ນໃຍຫລວງຫລາຍ ທັງຍັງເປັນແຫລ່ງຂອງວິຕາມິນ A, C ແລະ E ລວມທັງແຮ່ທາດຕ່າງໆ ບໍ່ວ່າຈະເປັນ ໂພແທດຊຽມ ແມກນີຊຽມ ທອງແດງ ແຄລຊຽມ ແລະ ຟອດຟໍລັດ. ນີ້ຄື 10 ຄຸນປະໂຫຍດຂອງຫມາກມ່ວງ
1.ຫຼຸດລະດັບຄໍເລດເຕີລອນທີ່ບໍ່ດີ
ການຮັບປະທານຫມາກມ່ວງປະຈຳສາມາດປິ່ນປົວລະດັບຄໍເລດເຕີລອນໃນຮ່າງກາຍ ຈາກການກວດສອບພົບວ່າ ວິຕາມິນຊີສູງ ເພກຕິນ ແລະ ເສັ້ນໃຍຫລວງຫລາຍທີ່ຢູ່ໃນຫມາກມ່ວງຈະຊ່ວຍຫຼຸດລະດັບຄໍເລດເຕີລອນທີ່ບໍ່ດີ (LDL) ໄດ້ເປັນຢ່າງດີ, ໃນຂະນະດຽວກັນຍັງຊ່ວຍເພີ່ມຈຳນວນຄໍເລດເຕີລອນທີ່ດີ (HDL) ອີກດ້ວຍ. ຫມາກມ່ວງເປັນແຫລ່ງທີ່ອຸດົມໄປດ້ວຍໂພແທດຊຽມຊຶ່ງມີຫນ້າທີ່ສຳຄັນໃນການເພີ່ມອັດຕາການໄຫລວຽນຂອງເລືອດໃນລະບົບປະສາດທີ່ຄວບຄຸມອັດຕາການເຕັ້ນຂອງຫົວໃຈ ແລະຄວາມດັນເລືອດ ເຮັດໃຫ້ຊ່ວຍຫຼຸດຄວາມສ່ຽງຂອງໂລກຫົວໃຈ.
2. ຟື້ນຟູຜິວ
ຫມາກມ່ວງເປັນຫມາກໄມ້ຫມາກຫັດສະຈັນສາມາດໃຊ້ຟື້ນຟູຜິວໄດ້, ໂດຍໃຊ້ໃນການມາດກ໌ແລະຂັດໜ້າ, ໃນຫມາກມ່ວງອຸດົມໄປດ້ວຍສານຕ້ານອະນຸມູນອິດສະຫລະ ແລະວິ ຕາມິນ C, ເຊິ່ງຊ່ວຍໃຫ້ຜິວຂອງເຮົາມີສຸກຂະພາບດີ ແລະ ສົດໃສ. ວິຕາມິນແລະ ເບຕ້າແຄໂລທີນໃນຫມາກມ່ວງສາມາດເພີ່ມຄວາມອ່ອນໄວ, ຟື້ນຟູຜິວ, ຫຼຸດຈຸດດ່າງດຳ ຝ້າແລະສິວ, ໂດຍນຳຫມາກມ່ວງສຸກມາປອກເປືອກ ແລ້ວຖູທົ່ວໃບໜ້າຂອງເຮົາເປັນເວລາ 10 ເຖິງ 15 ນາທີແລ້ວລ້າງອອກດ້ວຍນ້ຳອຸ່ນ.
3. ປ້ອງກັນການເກີດພະຍາດລົມແດດ (Heat stroke)
ຫຼຸດຄວາມສ່ຽງຜົນກະທົບຂອງຈັງຫວະການເຕັ້ນຂອງຫົວໃຈຈາກຄວາມຮ້ອນ ຊຶ່ງເປັນສິ່ງສຳຄັນທີ່ຈະປິ່ນປົວລະດັບຂອງແຫລວໃນຮ່າງກາຍຂອງເຮົາ ໂພແທດຊຽມໃນຫມາກມ່ວງຊ່ວຍປິ່ນປົວລະດັບໂຊດຽມຊຶ່ງຈະຄວບຄຸມລະດັບຂອງແຫລວໃນຮ່າງກາຍແລະ ຄວບຄຸມຈັງຫວະການເຕັ້ນຂອງຫົວໃຈ. ໃນລະດູຮ້ອນເຮົາສາມາດກິນຫມາກມ່ວງສຸກ ຫລື ຫມາກມ່ວງດິບທຸກມື້ເພື່ອຊ່ວຍໃຫ້ເຢັນລົງແລະເພີ່ມນ້ຳແກ່ຮ່າງກາຍ.
4. ບຳລຸງສາຍຕາ
ຫມາກມ່ວງເປັນແຫລ່ງຂອງວິຕາມິນ A ຈຳນວນຫລາຍ, ເຊິ່ງສານອາຫານສຳຄັນສຳລັບສຸກຂະພາບຕາແມ່ນ ວິຕາມິນ A ຈະຊ່ວຍບຳລຸງສາຍຕາ ແລະ ປ້ອງກັນຄວາມຜິດປົກກະຕິຕ່າງໆກ່ຽວກັບຕາ ເຊັ່ນຕາບອດຕອນກາງຄືນ, ຕໍ້ກະຈົກ, ຈໍປະສາດຕາເສື່ອມ, ຕາແຫ້ງ ແລະ ຄວາມຮູ້ສຶກບໍ່ສະບາຍຕາ. ໃນຫມາກມ່ວງສຸກ 1 ຈານ ມີວິຕາມິນ A ຢູ່ຮອດ 25% ຂອງຄວາມຕ້ອງການຕໍ່ຄາບອາຫານ
5. ປິ່ນປົວລະດັບອັນຄາໄລນ໌
ກົດຊິຕິກທີ່ພົບໃນຫມາກມ່ວງຊ່ວຍປິ່ນປົວລະດັບອັນຄາໄລນ໌ໃນຮ່າງກາຍ ຈະຊ່ວຍປ້ອງກັນບໍ່ໃຫ້ເກີດບັນຫາສຸກຂະພາບຫລາຍຢ່າງ ເຊັ່ນ ພາວະເລືອດເປັນກົດຊຳເຮື້ອ, ພະຍາດຫມາກໄຂ່ຫລັ,ງ ກ້າມເນື້ອອ່ອນແອ ແລະ ກະດູກອ່ອນແອ. ການຮັບປະທານຫມາກມ່ວງເປັນປະຈຳຈະຊ່ວຍປິ່ນປົວຄ່າ pH ໃຫ້ປົກກະຕິ ໂດຍຢູ່ລະຫວ່າງ 7.35 ແລະ 7.45 ເຊິ່ງຈະຊ່ວຍໃຫ້ການຖ່າຍໂອນອອກຊິເຈນໄປທົ່ວຮ່າງກາຍຫລາຍຂຶ້ນ, ປ້ອງກັນບໍ່ໃຫ້ເກີດພະຍາດທາງເດີນອາຫານຕ່າງໆ ແລະ ພະຍາດກະດູກພຸ.
6. ຊ່ວຍຍ່ອຍອາຫານ
ເສັ້ນໃຍທີ່ມີຢູ່ຫລາຍໃນຫມາກມ່ວງຈະຊ່ວຍໃນການຍ່ອຍອາຫານ ແລະ ການກຳຈັດຂອງເສຍ, ທັງຍັງສາມາດຊ່ວຍປ້ອງກັນຄວາມຜິດປົກກະຕິຂອງລະບົບທາງເດີນອາຫານເຊັ່ນ ພະຍາດໂຄຫ໌ນ (Crohn’s disease). ນອກຈາກນີ້ຫມາກມ່ວງຍັງຊ່ວຍບັນເທົາອາການຖ່າຍຍາກ ແລະ ແຜໃນກະເພາະອາຫານ.
7. ປ້ອງກັນພະຍາດມະເຮັງ
ງານວິໄຈຫລາຍສະບັບສະແດງໃຫ້ເຫັນວ່າ ສານຕ້ານມະເຮັງ ແລະ ສານຕ້ານອະນຸມູນອິດສະຫລະໃນຫມາກມ່ວງສາມາດປ້ອງກັນພະຍາດມະເຮັງລຳໄສ້ໃຫຍ່, ພະຍາດມະເຮັງເຕົ້ານົມ, ພະຍາດມະເຮັງປອດ, ພະຍາດມະເຮັງຜິວໜັງ, ພະຍາດມະເຮັງເມັດເລືອດຂາວ ແລະ ພະຍາດມະເຮັງຕ່ອມລູກຫະໝາກ. ສານຕ້ານອະນຸມູນອິດສະຫລະທີ່ພົບໃນຫມາກມ່ວງທີ່ຊ່ວຍປ້ອງກັນພະຍາດມະເຮັງຄື quercetin isoquercitrin astragalin fisetin gallic acid ແລະ methyl gallat, ສະຖາບັນພະຍາດມະເຮັງໃນບອດຕັນແນະນຳໃຫ້ດື່ມຫມາກມ່ວງປັ່ນ1-2 ຈອກທຸກມື້ສຳລັບຜູ້ປ່ວຍພະຍາດມະເຮັງ.
8. ຊ່ວຍເສີມສ້າງລະບົບພູມຄຸ້ມກັນ
ວິຕາມິນ C ໃນຫມາກມ່ວງມີຫນ້າທີ່ສຳຄັນໃນການປິ່ນປົວລະບົບພູມຄຸ້ມກັນຂອງຮ່າງກາຍ, ປ້ອງກັນເຊື້ອພະຍາດບໍ່ໃຫ້ເຂົ້າສູ່ຮ່າງກາຍແລະຊ່ວຍເພີ່ມການຜະລິດເມັດເລືອດຂາວ. ນອກຈາກນີ້ຍັງຊ່ວຍປິ່ນປົວສຸກຂະພາບຜິວໃຫ້ຜິວມີສຸກຂະພາບດີ.
9. ເພີ່ມຄວາມຈື່ຈຳ
ໃນການສຶກສາຂອງ journal Oxidative Medicine ພົບວ່າສານຫລາຍຊະນິດທີ່ພົບໃນຫມາກມ່ວງຊ່ວຍເພີ່ມການຈົດຈຳ ແລະ ຫຼຸດຄວາມຄຽດ. ກົດກູຕາໃນ ຫມາກມ່ວງຈະຊ່ວຍເພີ່ມຫນ່ວຍຄວາມຈື່ຈຳ, ສ່ວນວິຕາມິນ B6 ຍັງມີຫນ້າທີ່ສຳຄັນໃນການເບິ່ງແຍງ ແລະ ປັບປຸງການເຮັດວຽກຂອງສະຫມອງ
10. ເພີ່ມສະມັດຖະພາບທາງເພດ
ຫມາກມ່ວງຖືວ່າເປັນຢາບຳລຸງຊັ້ນດີ ໃນຕ່າງປະເທດມັກຮຽກກັນວ່າ love fruit ຫລື ຫມາກໄມ້ແຫ່ງຄວາມຮັກ ຊຶ່ງອຸດົມໄປດ້ວຍວິຕາມິນ E ທີ່ຊ່ວຍຄວບຄຸມຮອລ໌ໂມນເພດ
-----------------
Post a Comment