ລັດຖະບານ ຮັບຮອງເອົາແລ້ວທາງດ່ວນ ນະຄອນຫຼວງວຽງຈັນ-ວັງວຽງ ຄາດລົງທຶນສູງເຖິງ 1,4 ຕື້ໂດລາ
ກອງ ປະຊຸມ ລັດຖະບານ ສະ ໄໝສາມັນປະ ຈໍາ ເດືອນ ພຶດສະພາ ໄດ້ ໄຂ ຂຶ້ນ ໃນ ວັນ ທີ 22 ແລະປິດ ລົງ ໃນ ວັນທີ 23 ພຶດສະພາ 2017 ຢູ່ທີ່ສໍານັກ ງານ ນາຍົກລັດຖະມົນຕີ, ພາຍ ໃຕ້ ການ ເປັນ ປະທານ ຂອງ ທ່ານທອງ ລຸນສີ ສຸ ລິດນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີແລະສະມາຊິກລັດຖະບານ ພ້ອມ ດ້ວຍ ແຂກ ຖືກ ເຊີນເຂົ້າຮ່ວມຢ່າງ ພ້ອມພຽງ
ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມັນຕີ ໂຄສົກລັດຖະບານ ໄດ້ຖະແຫລງຜົນກອງປະຊຸມ ຕໍ່ສືມວນຊົນວ່າ: ສໍາລັບເນື້ອໃນຂອງກອງປະຊຸມລັດຖະບານສະໄໝສາມັນປະຈໍາເດືອນ ພຶດສະພາ 2017ນີ້ບັນດາສະມາຊິກລັດຖະບານໄດ້ພ້ອມກັນສຸມໃສ່ປະກອບຄໍາຄິດຄໍາເຫັນ ຢ່າງກົງໄປກົງມາ ແລະມີຄວາມຮັບຜິດຊອບສູງຕໍ່ກັບບັນດາເອກະສານສໍາຄັນເປັນຕົ້ນແມ່ນ:
ບົດລາຍງານກ່ຽວກັບແລວທາງດ່ວນນະຄອນຫຼວງວຽງຈັນ-ບໍ່ເຕັ່ນ, ຕອນທີIນະຄອນຫຼວງ ວຽງຈັນ-ວັງວຽງ. ກອງປະຊຸມເຫັນດີຮັບຮອງເອົາແລວທາງK,ຊຶ່ງມີໄລຍະທາງ 113,7 ກິໂລແມັດ, ດ້ວຍມູນຄ່າຄາດຄະເນປະມານ 1,4 ຕື້ໂດລາສະຫະລັດ.
ກອງປະຊຸມໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງນໍາເອົາໄປປັບປຸງຕື່ມ ຕາມການປະກອບຄໍາຄິດຄໍາເຫັນຂອງສະມາຊິກລັດຖະບານ ເປັນຕົ້ນແມ່ນ: ໃຫ້ເອົາໃຈໃສ່ຊີ້ນໍາບໍລິສັດໃຫ້ອອກແບບຄິດໄລ່ໃຫ້ລະອຽດ, ຈະແຈ້ງເພື່ອສະເໜີລັດຖະບານພິຈາລະນາຕົກລົງໃນຄັ້ງຕໍ່ໄປ.
Post a Comment