ມາຄຣົງ ເຂົ້າພິທີສາບານຕົນ ຮັບຕຳແໜ່ງປະທານາທິບໍດີຝຣັ່ງ

ໃນວັນທີ 14 ພຶດສະພາ 2017 ຜ່ານມານີ້ ທ່ານ ເອັມມານູເອລ ມາຄຣົງ ອາຍຸ 39 ປີ ເຂົ້າພິທີສາບານຕົນ ຮັບຕຳແໜ່ງປະທານາທິບໍດີຝຣັ່ງ ຢ່າງເປັນທາງການທີ່ພະຣາຊະວັງເອລິເຊ ໃນນະຄອນຫຼວງປາຣີສ ທ່າມກາງມາດຕະການຮັກສາຄວາມປອດໄພຢ່າງເຂັ້ມງວດ. ສໍານັກຂ່າວ The guardian ໄດ້ເຜີຍແຜ່ພາບອາດີດປະທານາທິບໍດີຟຣອງຊົວ ອໍລອງ ອອກມາປາກົດຕົວທີ່ລະບຽງ ເພື່ອເກັບຄວາມຊົງຈຳຄັ້ງສຸດທ້າຍ ກ່ອນທ່ານຈະໝົດວາລະການເປັນຜູ້ນຳຝຣັ່ງຢ່າງເປັນທາງການ. ທ່ານ ມາຄຣົງ ຖືເປັນຜູ້ນຳຝຣັ່ງທີ່ອາຍຸນ້ອຍທີ່ສຸດໃນປະຫວັດສາດການເມືອງຂອງປະເທດຝຣັ່ງ ນັບຕັ້ງແຕ່ສະໄໝຈັກກະພັດດິນໂປລຽນ ທີ່ສາມາດຄວ້າໄຊຊະນະໃນການເລືອກຕັ້ງປະທານາທິບໍດີຝຣັ່ງ ໃນອາທິດທີ່ຜ່ານມາດ້ວຍຄະແນນສຽງ 66/33 ເປີເຊັນ.

ສິ່ງທີ່ທ້າທາຍ ພັກຣີພັບລິກັນ ອອງມາຊ ຂອງ ທ່ານ  ມາຄຣົງຄືປະສົບການຂອງພັກທີ່ຫາກໍ່ຈັດຕັ້ງຂຶ້ນໄດ້ພຽງ 1 ປີ ແລະ ນັ້ນໝາຍຄວາມວ່າພັກຍັງບໍ່ມີບ່ອນນັ່ງ ສສ ໃນສະມາຊິກສະພາຜູ້ແທນລາດຊະດອນ ເຊິ່ງກາຍເປັນວຽກໝັກ ແລະ ງານຫີນສໍາລັບ ທ່ານ ມາຄຣົງ ທີ່ຈະຕ້ອງພະຍາຍາມກວາດນັ່ງໃຫ້ໄດ້ຫຼາຍທີ່ສຸດໃນສະພາ.  ນອກນີ້,​ ສໍານັກຂ່າວຕ່າງປະເທດຍັງລາຍງານຕື່ມວ່າ   ທ່ານ ມາຄຣົງ ອາດຈະປະກາດຊື່ຜູ້ທີ່ຈະມາດຳລົງຕຳແໜ່ງນາຍົກລັດຖະມົນຕີຝຣັ່ງໃນພາຍອາທິດນີ້.

ທ່ານ  ມາຄຣົງ ແລະ ພັນລະຍາ

ທີ່ມາ: The guardian 

© ໂຕະນໍ້າຊາ | tonamcha.com 
-----------------