ເບັ້ນ ເຣສຊິ່ງ ເຂົ້າລາຍງານໂຕທີ່ສານລັດສະດາ ປັດຕອບເລື່ອງ ແພັດ ນະປະພາ
ເບັ້ນ ເຣສຊິ່ງ ພ້ອມທະນາຍຄວາມ ເດີນທາງເຂົ້າລາຍງານໂຕຕໍ່ສານອາຍາ ລັດສະດາພິເສກ ກຸງເທບມະຫານະຄອນ ຫຼັງຄົບກຳນົດການຝາກຂັງຜັດທີ່ 6 ກ່ອນໃຫ້ສຳພາດນັກຂ່າວ ແຕ່ປະຕິເສດຕອບເລື່ອງ ແພັດ ນະປະພາ ເມຍສາວ ທີ່ຖືກຕັ້ງຂໍ້ຫາຮ່ວມກັນຟອກເງິນ ແລະສົມຄົບກັນຟອກເງິນ
ຊ່ວງເຊົ້າມື້ນີ້ (17 ພຶດສະພາ.) ຜູ້ສື່ຂ່າວລາຍງານວ່າ ທ້າວ ອັກຄະລະກິດ ວໍລະໂລດຈະເລີນເດດ ຫລື ເບັ້ນ ເຣສຊິ່ງ ຜູ້ຕ້ອງຫາຄະດີຟອກເງິນ ແລະສົມຄົບກັນຟອກເງິນໃນຄະດີຢາເສບຕິດ ພ້ອມທະນາຍຄວາມ ເດີນທາງເຂົ້າລາຍງານໂຕຕໍ່ສານອາຍາ ລັດສະດາພິເສກ ກຸງເທບມະຫານະຄອນ ເປັນເທື່ອສຸດທ້າຍຫຼັງຄົບກຳນົດການຝາກຂັງຜັດທີ່ 6 ໃນມື້ນີ້ ໂດຍທະນາຍຄວາມຂອງເບັ້ນ ຢືນຢັນວ່າ ເບັ້ນ ບໍ່ຈຳເປັນຕ້ອງໃຫ້ການໃດໆເພິ່ມເຕີມ ເນື່ອງຈາກໄດ້ຍື່ນຫຼັກຖານທັງໝົດໄປກ່ອນໜ້ານີ້ແລ້ວ
ສ່ວນແນວທາງການຕໍ່ສູ້ຄະດີ ທະນາຍຄວາມລະບຸວ່າ ຕ້ອງສູ້ກັນຕາມພະຍານຫຼັກຖານ ແລະຢືນຢັນວ່າ ເບັ້ນບໍ່ມີສ່ວນກ່ຽວຂ້ອງເລື່ອງຢາເສບຕິດ ເຖິງວ່າມື້ວານນີ້ (16 ພຶດສະພາ ) ເບັ້ນ ພ້ອມທະນາຍຄວາມເດີນທາງມາເຂົ້າພົບ ພ.ຕ.ອ.ລົນນະເດດ ກິ່ນອຸໄທ ຜກກ.ກຸ່ມງານສອບສວນ ແລະກວດສອບຊັບສິນ ເພື່ອຮັບຮູ້ຂໍ້ກ່າວຫາເພີ່ມເຕີມ ໃນຂໍ້ຫາ "ສະໜັບສະໜູນ ຫລືຊ່ວຍເຫລືອຜູ້ກະທຳຄວາມຜິດກ່ອນ ຫລືຂະນະກະທຳຄວາມຜິດ, ຮັບເງິນຊັບສິນ ຫລື ປະໂຫຍດອື່ນໃດ ຈາກຜູ້ກະທຳຄວາມຜິດ ເພື່ອປະໂຫຍດ ຫລືໃຫ້ຄວາມສະດວກແກ່ການກະທຳຄວາມຜິດ ຫລື ເພື່ອບໍ່ໃຫ້ຜູ້ກະທຳຄວາມຜິດຖືກລົງໂທດ"
ຂະນະທີ່ ເບັ້ນ ເລສຊິ່ງ ຢືນຢັນວ່າ ທີ່ຜ່ານມາບໍ່ມີເຈດຕະນາຫຼົບໜີ ແລະພ້ອມຈະເຂົ້າສູ້ຂະບວນການຍຸດຕິທຳ ສຳລັບການລາຍງານໂຕເທື່ອໜ້າຈະມີເງື່ອນໄຂໃດຈາກສານເພີ່ມເຕີມຫລືບໍ່ ຕ້ອງໃຫ້ເປັນໄປຕາມດຸນພິນິດຂອງສານ ສ່ວນກໍລະນີເງິນ 1.9 ລ້ານບາດ ທີ່ເບັ້ນ ໂອນໃຫ້ ແພັດ ນະປະພາ ເຮັດໃຫ້ແພັດຖືກຕັ້ງຂໍ້ຫາຮ່ວມກັນຟອກເງິນ ແລະສົມຄົບກັນຟອກເງິນ ເລື່ອງນີ້ ເບັ້ນ ບໍ່ຂໍໃຫ້ຂໍ້ມູນເນື່ອງຈາກເກງຈະເສຍຮູບຄະດີ
ທີ່ມາ: muan.la
© ໂຕະນໍ້າຊາ | tonamcha.com
-----------------
Post a Comment