ກຸ່ມຜູ້ປະທ້ວງກອງປະຊຸມ G20 ປະທະເຈົ້າໜ້າທີ່ຕໍາຫຼວດ ບາດເຈັບເກືອບຮ້ອຍຄົນ

ສໍານັກຂ່າວ The standard.co ລາຍງານໃນວັນທີ 7/7/2017 ວ່າ: ປະຊາຊົນຈໍານວນກວ່າ 12,000 ຄົນນັດຮ່ວມໂຕກັນປະທ້ວງກອງປະຊຸມສຸດຍອດຜູ້ນໍາ G20 ທີ່ກຳລັງຈະໄຂຂື້ນທີ່ ປະເທດເຢຍລະມັນ ເຊິ່ງມີຜູ້ປະທ້ວງດືງກ້ອນຫີນ ແລະ ຕຸກນໍ້າດື່ມໃສ່ເຈົ້າໜ້າທີ່ຕໍາຫຼວດ ໂດຍທາງເຈົ້າໜ້າທີ່ຕໍາຫຼວດກໍໃຊ້ແກ໊ດນໍ້າຕາ, ສະເປພິກໄທ ແລະ ສິດນໍ້າໃສ່ກຸ່ມຜູ້ປະທ້ວງເພື່ອສະຫຼາຍການຊຸມນຸມ ແຕ່ກັບກາຍເປັນເຫດຈຸດສະນວນເຮັດໃຫ້ຝ່າຍປະທ້ວງຍິ່ງພະຍາຍາມຕອບໂຕ້ເຈົ້າໜ້າທີ່ກັບ ຈົນເປັນເຫດໃຫ້ມີຜູ້ບາດເຈັບຈໍານວນຫຼາຍ.

ຢ່າງໃດຕາມ. ມີການຄາດການວ່າ ອາດມີຈໍານວນຜູ້ປະທ້ວງເພີ່ມຂື້ນເປັນຫຼັກກວ່າ 100,000 ຄົນທີ່ຈະມາຮ່ວມປະທ້ວງຜູ້ນໍາປະເທດຕ່າງໆທີ່ເຂົ້າຮ່ວມກອງປະຊຸມໃນຄັ້ງນີ້ ໂດຍສະເພາະແມ່ນ ທ່ານ ໂດໂນ ທຣັມ ຜູ້ນໍາສະຫະລັດ ອາເມລິກາ ຈາກກໍລະນີທີ່ຖອນໂຕອອກຈາກສົນທິສັນຍາປາລີ.

ສໍາລັບທາງການເຢຍລະມັນກໍມີການເສີມກໍາລັງຮັກສາຄວາມປອດໄພໃນບໍລິເວນອາຄານທີ່ມີການຈັດປະຊຸມ ໂດຍມີການເພີ່ມເຈົ້າໜ້າທີ່ຮັບຜິດຊອບເຖິງ 20,000 ຄົນ ເພື່ອກຽມຮັບມືເຫດການສຸກເສີນທີ່ອາດຈະເກີດຂື້ນພາຍການປະຊຸມ 2 ວັນນີ້.