5 ພຶດຕິກຳອັນຕະລາຍທີ່ບໍ່ຄວນເຮັດຫລັງກິນເຂົ້າອິ່ມ
ຫລັງຈາກກິນອິ່ມແລ້ວບໍ່ຄວນລຸກໄປເຮັດກິດຈະກຳທີ່ຕ້ອງອອກແຮງໜັກ ເຊັ່ນ: ແລ່ນ, ຂຶ້ນຂັນໄດ, ຍົກຂອງໜັກ, ລວມເຖິງການອາບນ້ຳຫລັງກິນເຂົ້າທັນທີ. ເພາະອາດເກີດອາການຈຸກ, ສຽບ, ແໜ້ນທ້ອງ ອີກທັງຍັງເຮັດໃຫ້ລະບົບຍ່ອຍອາຫານເຮັດວຽກໄດ້ບໍ່ດີເທົ່າທີຄວນ ອີກທັງຍັງເຮັດໃຫ້ລະບົບຍ່ອຍອາຫານດູດຊຶມສານອາຫານບໍ່ມີປະສິດທິພາບເທົ່າທີ່ຄວນ.
ນອກຈາກນີ້ການສູບຢາຫລັງອາຫານກໍເປັນສິ່ງທີ່ບໍ່ຄວນເຮັດ ເພາະນອກຈາກຈະເຮັດໃຫ້ທ້ອງອືດແລ້ວ ຍັງມີສ່ວນເພີ່ມປະລິມານສານພິດຈາກການເຜົາໄໝ້ຂອງຢາສູບໄດ້ຫລາຍຂຶ້ນ ເນື່ອງຈາກຮ່າງກາຍກຳລັງເຜົາຜານອາຫານຢູ່ ຫາກໄດ້ຮັບສານນິກໂຄຕິນເຂົ້າໄປ ຮ່າງກາຍກໍຈະໄດ້ຮັບສານນີ້ຫລາຍຂຶ້ນ ຄືກັບສູບກອກດຽວໄດ້ພິດຂອງມັນເຖິງ 10 ເທົ່າ
ສາຍເຫດໃດທີ່ເຮັດໃຫ້ອາບນ້ຳຫລັງກິນອາຫານ ບໍ່ດີ?
ການຍ່ອຍອາຫານຂອງຮ່າງກາຍມີກົນໄກຫລາຍຢ່າງ ດັ່ງນັ້ນຫລັງຈາກກິນອິ່ມ ຄວນໃຫ້ເວລາກັບຮ່າງກາຍຈັກ 10-15 ນາທີ ໃນການຍ່ອຍອາຫານ ບໍ່ໄດ້ໝາຍຄວາມວ່າໃຫ້ນັ່ງຊື່ໆ ແຕ່ເຮົາສາມາດເຮັດກິດຈະກຳອື່ນ ໆ ໄດ້ ເຊັ່ນ: ລ້າງຖ້ວຍລ້າງບ່ວງ, ເບິ່ງໂທລະພາບ, ອ່ານປຶ້, ຫຼິ້ນມໂທລະສັບ ຫລື ກິດຈະກຳອື່ນໆ ທີ່ບໍ່ຕ້ອງອອກແຮງຫລາຍ ຫລື ເຮັດໃຫ້ຈຸກທ້ອງ. ການອາບນ້ຳຫລັງກິນອາຫານກໍເປັນການລົບກວນການຍ່ອຍເຊັ່ນກັນ ເນື່ອງຈາກເປັນເວລາທີ່ກະເພາະອາຫານເຮັດວຽກຢູ່ ເລືອດໄປລ້ຽງໃນສ່ວນນີ້ຫລາຍ ເຮັດໃຫ້ອຸນຫະພູມໃນຮ່າງກາຍຕ່ຳລົງ ຫາກວ່າອາບນ້ຳທັນທີຮ່າງກາຍກໍຈະມີອຸນຫະພູມຕ່ຳລົງ ຮ່າງກາຍຈະເສຍສົມດຸນ ແລະ ເຮັດໃຫ້ໂຕເຢັນ ທ້ອງອືດ ທ້ອງຍືງໄດ້ງ່າຍ... ຂໍ້ເສຍອີກຢ່າງໜຶ່ງທີ່ເຮັດໃຫ້ອຸນຫະພູມໃນຮ່າງກາຍຫຼຸດລົງຄື “ພູມຕ້ານທານ” ທີ່ອ່ອນແຮງລົງ ສົ່ງຜົນໃຫ້ຫລັງອາບນ້ຳອາດມີໄຂ້ໜ້ອຍ ໆ ແລະ ຫາກອາບນ້ຳຫລັງກິນອາຫານເປັນປະຈຳ ກໍຈະເຮັດໃຫ້ລະບົບການຍ່ອຍອາຫານມີບັນຫາ ມີຜົນເຮັດໃຫ້ທ້ອງອືດເລື້ອຍຊຶ່ງບໍ່ເປັນຜົນດີີກັບຮ່າງກາຍເລີຍ ແລະ ການທີ່ “ທ້ອງອືດ” ເລື້ອຍໆ ເປັນຜົນເຮັດໃຫ້ລຳໄສ້ອັກເສບໄດ້ງ່າຍ ແລະ ລະບົບຍ່ອຍອາຫານເຮັດວຽກຜິດປົກກະຕິ
5 ສິ່ງທີ່ບໍ່ດີ ບໍ່ຄວນເຮັດ ຫລັງກິນອາຫານອິ່ມ
1 ອາບນ້ຳຫລັງກິນເຂົ້າແລ້ວ ຢ່າງທີ່ກ່າວໄປຂ້າງຕົ້ນຈະເຫັນໄດ້ວ່າການ “ອາບນ້ຳ” ເປັນສິ່ງທີ່ບໍ່ຄວນເຮັດຫລັງກິນອາຫານຫລາຍທີ່ສຸດ ເພາະການຍ່ອຍອາຫານຈະເຮັດວຽກຜິດປົກກະຕິ ສົ່ງຜົນໃຫ້ຮ່າງກາຍຂາດສົມດຸນ
2 ນອນຫລັບ ກໍ່ເປັນອີກຂໍ້ທີ່ສົ່ງຜົນໃຫ້ທ້ອງອືດ ແໜ້ນທ້ອງຫລາຍທີ່ສຸດ ເພາະການກິນແລ້ວນອນທັນທີຈະເຮັດໃຫ້ເກີດລົມໃນທ້ອງ ອາດເຮັດໃຫ້ເກີດພະຍາດກົດໄຫລຍ້ອນໄດ້ນຳ ລວມທັງເວລາຕື່ນຂຶ້ນມາແລ້ວຈະຮູ້ສຶກບໍ່ສະບາຍທ້ອງ
3 ອອກກຳລັງກາຍ ການອອກກຳລັງກາຍຈຳເປັນຕ້ອງໃຊ້ພະລັງງານໃນຮ່າງກາຍຫລາຍ ໃນຂະນະທີ່ກະເພາະກໍຍັງສ້າງການຍ່ອຍອາຫານຢູ່ ປະສິດທິພາບໃນການເຮັດວຽກທັງໝົດທຸກສ່ວນໃນຮ່າງກາຍ ຫາກເຮັດພ້ອມກັນແບບນີ້ບໍ່ດີແນ່ນອນ
4 ດື່ມນ້ຳອັດລົມ ແລະຫມາກໄມ້ທີ່ມີແກສ໌ຫຼາຍຫລັງອາຫານ, ຖ້າຢາກລ້າງປາກດ້ວຍເຄື່ອງດື່ມຫວານ ໆ ແລະ ຫມາກໄມ້ສົດໆ ແນະນຳຫມາກໄມ້ຍ່ອຍງ່າຍ ເຊັ່ນ ໝາກໂມ, ໝາກກ້ຽງ, ຄວນຫຼີກຫມາກໄມ້ມີແກສ໌ຫຼາຍ ເຊັ່ນ: ໝາກຖົ່ວລຽນ, ໝາກກ້ວຍ, ມັນດ້າງ ຫລື ຫມາກໄມ້ທີ່ມີແປ້ງຫຼາຍ ແລະ ເຄື່ອງດື່ມເບົາ ໆ ທີ່ດີຕໍ່ທ້ອງຫລັງກິນອິ່ມໃໝ່ ໆ ເຊັ່ນ: ນ້ຳໃບເຕີຍ, ນ້ຳເກ໊ກຮວຍ ກໍຊ່ວຍໃຫ້ຊື່ນໃຈ ແລະ ສະບາຍທ້ອງໄດ້ ສ່ວນນ້ຳອັດລົມທີ່ມີແກສ໌ຫຼາຍເປັນສິ່ງທີ່ຄວນລ້ຽງທີ່ສຸດ ຖ້າບໍ່ຢາກໃຫ້ທ້ອງອືດ ປວດທ້ອງຫລັງກິນເຂົ້າອິ່ມກໍຄວນລ້ຽງອາຫານແລະເຄື່ອງດື່ມທີ່ມີແກສ໌ຫຼາຍ.
5 ອາລົມບໍ່ດີ ງຸດງິດ ໃຈຮ້າຍຫຼັງກິນອິ່ມໃໝ່ ໆ ນອກຈາກຈະຕ້ອງຫຼີກເວັ້ນການເຮັດໃຫ້ຈຸກທ້ອງ ຫລືທ້ອງອືດແລ້ວ ຍັງຄວນ ຫຼີກເວັ້ນພາວະຄວາມຄຽດທີ່ສົ່ງຜົນຕໍ່ກະເພາະໂດຍກົງ. ເພາະຫລັງກິນອາຫານ ຫາກມີອາລົມເຫລົ່ານີ້ກໍຈະສົ່ງຜົນຕໍ່ລະບົບທາງເດີນອາຫານ ແລະ ອາດເຮັດໃຫ້ຮາກອອກມາໄດ້ງ່າຍ.
ເລື່ອງນ້ອຍ ໆ ກ່ຽວກັບກິດຈະກຳທີ່ບໍ່ຄວນເຮັດຫລັງກິນອາຫານແລ້ວ ລວມເຖິງການອາບນ້ຳຫລັງກິນເຂົ້າອິ່ມໆ ທັນທີ ກໍບໍ່ຄວນລະເລີຍ, ເພາະຫາກເຮັດເລື້ອຍ ໆ ເປັນປະຈຳ ເລື່ອງເລັກນ້ອຍເຫລົ່ານີ້ອາດກໍ່ໃຫ້ເກີດຜົນຮ້າຍ ບັນຫາໃຫຍ່ຕໍ່ສຸກຂະພາບຕາມມາໃນພາຍຫລັງໄດ້ ດັ່ງນັ້ນ ກັນໄວ້ດີກວ່າແກ້... ຈະເປັນການດີທີ່ສຸດເດີ
© ໂຕະນໍ້າຊາ | tonamcha.com
___________
Post a Comment