ຍີ່ປຸ່ນ ເຝິກຊ້ອມຮົບປະຈຳປີ ບໍລິເວນພູໄຟຟູຈິ ທ່າມກາງບັນຍາກາດຄວາມເຄັ່ງຕຶງຢູ່ແຫຼມເກົາຫຼີ

ໃນວັນ 24 ສິງຫາ 2017 ຜ່ານມາ ສຳນັກຂ່າວຕ່າງປະເທດລາຍງານວ່າ: ກອງກຳລັງປ້ອງກັນຕົນເອງຍີ່ປຸ່ນໄດ້ປະຕິບັດການເຝິກຊ້ອມປະຈຳປີ ໃກ້ກັບພູໄຟຟູຈິ ທ່າມກາງບັນຍາກາດຄວາມເຄັ່ງຕຶງຢູ່ແຫຼມເກົາຫຼີ ແລະ ຄວາມບໍ່ພໍໃຈຂອງຜູ້ນໍາ ຄີມ ຈອງອືມ ໂດຍການຊ້ອມຮົບຄັ້ງນີ້ຈະໃຊ້ເວລາ 3 ມື້.

ສໍາລັບປະຕິບັດການເຝິກຊ້ອມຮົບປະຈຳປີຄັ້ງນີ້ປະກອບ ມີທະຫານປະມານ 2,400 ຄົນ , ລົດຕັງ, ປືນໃໝ່ ແລະ ຍົນເຮລິຄັອບແຕ ຖືກສົ່ງເຂົ້າຮ່ວມການເຝິກຊ້ອມໂດຍກິດຈະກໍາຊ້ອມຮົບ ມີການເຝິກຊ້ອມໂດດຈ້ອງ, ຍິງປືນໃຫຍ່ ແລະ ເຮືອບິນຮົບຂັບໄລ່ F2.