ຊາວເກົາຫຼີເໜືອກວ່າແສນໂຮມໂຕຊຸມນຸມກັນປະທ້ວງຕໍ່ຕ້ານ ສ. ອາເມຣິກາ ແລະ ປະກາດສົງຄາມກັບ ສ. ອາເມຣິກາ ຜ່ານສືມວນຊົນ ນິວຢອກ

ສໍານັກຂ່າວ KCNA ເປີດເຜີຍພາບຊາວເກົາຫຼີເໜືອກວ່າແສນຄົນຮ່ວມໂຕກັນທີ່ນະຄອນພຽງຢາງ ເພື່ອສະແດງພະລັງຕໍ່ຕ້ານ ສ. ອາເມຣິກາ ເຊິ່ງສໍານັກຂ່າວ KCNA ຂອງເກົາຫຼີເໜືອລະບຸວ່າການໂຮມຊຸມນຸມກັນແມ່ມີຂື້ນທີ່ຈະຕຸລັດຄີມ ອິລ ຊຸງໃນນະຄອນຫຼວງພຽງຢາງ ສ.ເກົາຫຼີເໜືອໃນວັນທີ 23 ກັນຍາ ທີ່ຜ່ານມາ.

ໃນການໂຮມຊຸມນຸມ ທ່ານ ຄີມ ຊູ-ກິລ ສະມາຊິກສໍາຮອງຂອງສໍານັກງານຫານເມືອງ ຄະນະກໍາມະການກາງຂອງພັກແຮງງານເກົາຫຼີເໜືອ ໄດ້ອ່ານຖະແຫຼງຂອງຜູ້ນໍາເກົາຫຼີເໜືອ ທ່ານ ຄີມ ຈອງ-ອືມ ໂດຍເຕືອນ ສ. ອາເມຣິກາວ່າຈະປະເຊີນກັບມາດຕະການໂຕຕອບຢ່າງໜັກຈາກເກົາຫຼີເໜືອແບບບໍ່ເຄີຍປະກົດມີມາກ່ອນ.

ໃນກອງປະຊຸມສະມັດຊາໃຫຍ່ປະຈຳປີຂອງອົງການສະຫະປະຊາຊາດ (UNGA) ທີ່ນິວຢອກວ່າ ສ.ອາເມຣິກາ ປະທານາທິບໍດີ ໂດໂນ ທຣັມ ຂູ່ເກົາຫຼີເໜືອວ່າ: ສ.ອາເມຣິກາພ້ອມທີ່ຈະໂຈມຕີເກົາຫຼີເໜືອໃຫ້ຮາບກ້ຽງ ແລະ ມີທາງເລືອກຫຼາຍທາງທີ່ຈະຕໍ່ຕ້ານການໂຈມຕີຂອງເກົາຫຼີເໜືອທຸກຮູບແບບ ເຊິ່ງຫຼ້າສຸດທາງກອງທັບຂອງ ສ.ອາເມຣິກາ ກໍສົ່ງເຮືອບິນຖີ້ມລະເບີດ F-15C ເຂົ້າໄປຊ້ອມບິນໃກ້ເກົາຫຼີເໜືອທີ່ສຸດໃນຮອບຫຼາຍປີໃນສັດຕະວັດທີ່ 21 ພາຍຫຼັງທີ່ສົງຄາມເກົາຫຼີໃຕ້ ແລະ ເກົາຫຼີເໜືອສີ້ນສຸດລົງ ແລະ ມີການລົງນາມຢຸດຍິງຕັ້ງແຕ່ນັ້ນມາ.

Just heard Foreign Minister of North Korea speak at U.N. If he echoes thoughts of Little Rocket Man, they won't be around much longer!
— Donald J. Trump (@realDonaldTrump) September 24, 2017

ທ່ານ ຣີ ຢອງໂຮ ລັດຖະມົນຕີກະຊວງການຕ່າງປະເທດເກົາຫຼີເໜືອ

ການເຄື່ອນໄຫວຫຼ້າສຸດຂອງ ເກົາຫຼີເໜືອເກີດຂື້ນເມື່ອ ທ່ານ ຣີ ຢອງໂຮ ລັດຖະມົນຕີກະຊວງການຕ່າງປະເທດເກົາຫຼີເໜືອໃຫ້ສຳພາດກັບສື່ມວນຊົນເມື່ອວັນຈັນທີ່ຜ່ານມາ (25 ກັນຍາ) ຢູ່ນິວຢອກວ່າ: “ປະຊາຄົມໂລກຕ້ອງເຂົ້າໃຈວ່າ ສ. ອາເມຣິກາ ປະກາດສົງຄາມກັບປະເທດຂອງພວກເຮົາກ່ອນ ໃນເມື່ອ ສ.ອາເມຣິກາ ປະກາດສົງຄາມກັບພວກເຮົາແລ້ວ ພວກເຮົາກໍ່ມີສິດທີ່ຈະຕອບໂຕ້ ລວມທັງມີສິດໃນການທີ່ຈະຍິງຍົນຖິ້ມລະເບີດຍຸດທະສາດຂອງ ສ.ອາເມຣິກາ ທີ່ບິນເຂົ້າມາໃກ້ ເຖິງຈະບໍ່ຢູ່ໃນນ່ານຟ້າຂອງພວກເຮົາກໍ່ຕາມ”.

ຂ່າວກ່ຽວຂ້ອງ:

1. ເຮືອບິນຖີ້ມລະເບີດ F-15C ຂອງ ສ. ອາເມຣິກາ ຊ້ອມບິນໃກ້ເກົາຫຼີເໜືອທີ່ສຸດໃນຮອບຫຼາຍປີ

2. ປະທານາທິບໍດີ ໂດໂນ ທຣັມ ຂູ່ຈະໂຈມຕິເກົາຫຼີເໜືອໃນກອງປະຊຸມສະມັດຊາໃຫຍ່ແຫ່ງ ສະຫະປະຊາຊາດ (UNGA) ພ້ອມກັບກ່າວໂຄງການການຮ່ວມມືພັດທະນາອາວຸດນິວເຄຼຍລະຫວ່າງ US ແລະ Iran ວ່າເປັນຂໍ້ຕົກລົງທີ່ໜ້າອັບອາຍ

ທີ່ມາ: AP /VDO : Time

___________