ຫັດສະດາຈັນ ພູມສະຫວັນ ຜູ້ຄວ້ານາງສາວດອກງິ້ວບານ ປະຈຳປີ 2019
ຜົນການປະກວດນາງສາວດອກງິ້ວບານປະຈຳປີ 2019 ນາງສາວ ຫັດສະດາຈັນ ພູມສະຫວັນ ຫຼື (ເຟີນ) ໝາຍເລກ 19 ອາຍຸ 19 ປີ ປັດຈຸບັນກຳລັງສຶກສາ ຢູ່ ສປ ຈີນ ເປັນຜູ້ທີ່ສາມາດຄວ້າຕໍາແໜ່ງ ນາງສາວດອກງິ້ວບານ ປະຈຳປີ 2019 ໂດຍມີ ຮອງອັນດັບ 1 ແມ່ນໝາຍເລກ 8, ຮອງອັນດັບ 2 ໝາຍເລກ 3 ແລະ ຮອງອັນດັບ 3 ໝາຍເລກ 20 ເຊິ່ງເວທີປະກວດດັ່ງກ່າວນີ້ແມ່ນຈັດຂື້ນໃນວັນທີ 25 ມັງກອນ ທີ່ດອນຊາວ ເຂດເສດຖະກິດພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ.
ສໍາລັບການປະກວດນາງສາວດອກງິ້ວບານ ທີ່ທີ່ດອນຊາວ ເຂດເສດຖະກິດພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ແມ່ນຖືກຈັດຂື້ນຂອງທຸກໆປີ ເພື່ອຄົ້ນຫາສານທີ່ມີຄຸນສົມບັດ ແລະ ຄວາມພຽບພ້ອມ ໃນການຮັລໜ້າທີ່ເຜີຍແຜ່ຮິດຄອງປະເພນາ , ວັດທະນາທໍາ ແລະ ເອກະລັກຂອງຊາວເມືອງຕົ້ນເຜິ້ງໂດຍຜ່ານຕໍາແໜ່ງ ນາງສາວດອກງິ້ວບານ ຫຼື ທູດວັດທະນະທຳ ນັ້ນເອງ.
___________
Post a Comment