ເຫດນັກທ່ອງທ່ຽວ ຊາຍຊາວຈີນ ຈົມນໍ້າເສຍຊີວິດຢູ່ຕາດກວາງຊີ
ລສຍງານຈາກ ໜ່ວຍກູ້ຊີບອົງການກາແດງລາວ ຫຼວງພະບາງລາຍງານໃນວັນທີ 26 ກຸມພາ 2019 ເວລາ 14:24 ໂມງ ວ່າໄດ້ຮັບແຈ້ງຈາກປະຊາຊົນເຂົ້າເບີ 071 1625 ວ່າມີຄົນຈົມນໍ້ານອນຫມົດສະຕິຢູ່ຕາດກວາງຊີ ນະຄອນ ຫຼວງພະບາງ.
ໜ່ວຍກູ້ຊີບອົງການກາແດງລາວ ຫຼວງພະບາງ ໄດ້ອອກກວດສອບເຫດເຫັນຄົນເຈັບ 1 ຄົນ ເພດຊາຍ ນອນຫມົດສະຕິຢູ່ ແລະຊີບພະຈອນບໍ່ມີ ນັກທອງທ່ຽວຊາວຕ່າງຊາດ ແລະແພດສຸກສາລາ ໄດ້ເຮັດການ ປ້ຳຫົວໃຈ (CPR) ຖ້າ. ດັ່ງນັ້ນ, ທາງທີມງານຫນ່ວຍກູ້ຊີບ ອົງການກາ ແດງລາວຫລວງພະບາງ ຈຶ່ງໄດ້ໃຫ້ການປະຖົມພະຍາບານເບື້ອງຕົ້ນ ເຮັດ CPR ປະມານ 30 ນາທີ ແຕ່ກໍ່ບໍ່ຕອບສະໜອງ ແລ້ວນຳສົ່ງໂຮງເຢັນໂຮງໝໍແຂວງຫລວງພະບາງ. ອີງຕາມການບອກເລົ່າຂອງຜູ້ຢູ່ໃນເຫດການ ຜູ້ກ່ຽວແມ່ນດີ່ມເບຍແລ້ວລົງຫລີນນໍ້າ ແຕ່ພໍລອຍໄປໄດ້ໄລຍະຫນຶ່ງກໍ່ຈົມລົງ ມີພົນລະເມືອງດີເຫັນຈຶ່ງຊ່ວຍຂື້ນມາຈາກນໍ້າ.
ພາບ-ຂ່າວ: ໜ່ວຍກູ້ຊີບອົງການກາແດງລາວ ຫຼວງພະບາງ
© ໂຕະນໍ້າຊາ | tonamcha.com
___________
Post a Comment