ໃນຊ່ວງອາທິດຜ່ານມາຫຼາຍທ່ານອາດຈະໄດ້ອ່ານຂ່າວກ່ຽວກັບກາເຟ Starbucks ປະກາດເປີດສາຂາທໍາອິດທີ່ວຽງຈັນ ໃນປີ 2021 ໂດຍຈະກາຍເປັນຕະຫຼາດລໍາດັບທີ 17 ຂອງ Starbuck ໃນພາກພື້ນນີ້ ພາຍໃຕ້ການຖືລິຂະສິດຂອງບໍລິສັດ ຄອບຟີ ຄອນເຊັບ ປະເທດລາວ (Coffee Concepts (Laos) Ltd) ເຄືອບໍລິສັດ “Maxim’s Caterers Limited” (Maxim’s) ທີ່ເປັນພັນທະມິດກັບ Starbucks ສ. ອາເມລິກາກວ່າ 20 ປີ ໂດຍເປັນຜູ້ຖຶລິຂະສິດໃນແບຣນ Starbucks ໃນຮ່ອງກົງ, ສິງກະໂປ, ຫວຽດນາມ ແລະ ກໍາປູເຈຍ.
ແນ່ນອນ ນີ້ຖືເປັນຂ່າວດີສໍາລັບຜູ້ບໍລິໂພກ ຫຼື ນັກດື່ມກາເຟຊາວລາວ ແຕ່ກໍເປັນເລື່ອງທ້າທາຍບໍ່ນ້ອຍສໍາລັບການເຟທີ່ເປັນແບຣນທ້ອງຖີ່ນ (ກາເຟລາວ) ທີ່ຕ້ອງສູ້ກັບແບຣນລະດັບໂລກ ແຕ່ສິ່ງທີ່ໜ້າສົນໃຈຍິ່ງກວ່ານັ້ນຄື Starbucks ເຫັນໂອກາດ ຫຼື ສິ່ງໃດໃນ ສປປ ລາວ ຈິງກ້າວເຂົ້າມາລົງທຶນ . ມື້ນີ້ທີມງານ tonamcha.com ຈິ່ງຂໍນໍາສະເໜີກ່ຽວກັບ 6 ເຫດຜົນທີ່ Starbucks ສົນໃຈລົງທຶນໃນລາວທີ່ມີປະຊາກອນພຽງ 7.2 ລ້ານຄົນເທົ່ານັ້ນ :
(1). ເປັນປະເທດທີ່ອຸດົມສົມບູນໄປດ້ວຍຊັບພະຍາກອນທໍາມະຊາດ
(2). ເປັນຍຸດທະສາດ Emerging Market ທີ່ມີໂອການທາງການລົງທຶນ ເນື່ອງຈາກ ສປປ ລາວ ໄດ້ມີການທໍາລາຍຂໍ້ຈໍາກັດ ແລະ ມີນະໂຍບາຍເປີດປະຕູການຄ້າ-ການລົງທຶນຜ່ານ Land Locked ໄປສູ່ Land Linked ເພື່ອເປີດຮັບການລົງທຶນຈາກຕ່າງປະເທດໃຫ້ຫຼາຍຂື້ນ ພ້ອມພັດທະນາໂຄງສ້າງພື້ນຖານຫຼາຍດ້ານ ເປັນຕົ້ນແມ່ນໂຄງການລົດໄຟຄວາມໄວສູງລາວ-ຈີນ, ໂຄງການເສັ້ນທາງດ່ວນ ວຽງຈັນ-ວັງວຽງ ແລະ ອີກຫຼາຍໂຄງການເພື່ອຮອງຮັບການລົງທຶນ ແລະ ທ່ອງທ່ຽວເປັນຕົ້ນ.
(3). ກ່ອນວິກິດການ COVID-19 ເສດຖະກິດ ສປປ ລາວມີການຂະຫຍາຍຕົວຢ່າງຕໍ່ເນື່ອງຢູ່ລະດັບ 6% ສົ່ງຜົນໃຫ້ກຸ່ມຄົນຊັ້ນກາງເພີ່ມຂື້ນ ແລະ ມີການພັດທະນາຕົວເມືອງຢ່າງໄວ ເປັນຜົນໃຫ້ກໍາລັງຊື້ເພີ່ມຂື້ນ ແລະ ພືດຕິກໍາການບໍລິໂພກມີການປ່ຽນແປງ ຕ້ອງການບໍລິໂພກ ແລະ ການບໍລິການທີ່ມີຄຸນນະພາບສູງຂື້ນ ພ້ອມທັງຄວາມສະດວກສະບາຍ ຈິ່ງເປັນໂອກາດໃນທຸລະກິດແຟຣນໄຊ ແລະ ທຸລະກິດບໍລິການ.
(4). ສປປ ລາວ ເປັນປະເທດກະສິກໍາເປັນແຫຼ່ງປູກກາເຟທີ່ມີຊື່ສຽງລະດັບໂລກ ແລະ ມີເງື່ອນໄຊສົ່ງອອກທີ່ດີຈາກ ສະຫະພາບເອີລົບ
(5). ສປປ ລາວ ເປັນໜື່ງປະເທດໃນໂລກທີ່ມີສະຖຽງລະພາບດ້ານການເມືອງທີ່ດີໃນພາກພື້ນ ແລະ ລະດັບໂລກ
(6). Starbucks ຕັ້ງເປົ້າໝາຍຂະຫຍາຍສາຂາໃນພາກພື້ນອາຊີ ໃຫ້ໄດ້ຫຼາຍກວ່າ 10,000 ສາຂາ ໂດຍມີຕະຫຼາດອາຊີຕາເວັ້ນອອກສຽງໃຕ້ນອນຢູ່ໃນໜື່ງ Strategic Market.
ຂໍ້ມູນ: brandbuffet - ຮຽບຮຽງ © ໂຕະນໍ້າຊາ
© ໂຕະນໍ້າຊາ | tonamcha.com
___________
Post a Comment