Pfizer ເປີດເຜີຍວັກຊີນທີ່ພັດທະນາສາມາດປ້ອງກັນໂຄວິດ-19 ໄດ້ຜົນ 90%

Pfizer ແມ່ນບໍລິສັດຜະລິດຢາຂອງສະຫະລັດໄດ້ອອກມາເປີດເຜີຍວ່າວັກຊີນປ້ອງກັນ COVID-19 ທີ່ທາງບໍລິສັດເປັນຜູ້ພັດທະນາແລະ ຄົ້ນຄວ້າໂດຍຮ່ວມມືກັບພັນທະມິດທາງເຢຍລະມັນ BioNTech SE’ ສາມາດປ້ອງກັນການຕິດເຊື້ອໂຣກ coronavirus (Covid-19) ໃນອັດຕາສູງເຖິງ 90% (ອີງຕາມຜົນການສຶກສາເບື້ອງຕົ້ນຂອງ Pfizer), ເຊິ່ງທັງ Pfizer ແລະ BioNTech SE ຖືວ່າເປັນຜູ້ຜະລິດຢາລາຍທຳອິດຕົວເລກການປ່ອຍຕົວສະແດງໃຫ້ເຫັນອັດຕາຜົນສຳເລັດຂອງຢາວັກຊີນເພື່ອປ້ອງກັນການຕິດເຊື້ອ COVID-19 ຈາກການທົດລອງທາງຄີລນິກ.

ດຣ ອັນເບີດທ ເບີລາ (Albert Burla), ປະທານ ແລະ ຊີອີໂອຂອງບໍລິສັດ Pfizer ກ່າວວ່າຜົນສຳເລັດນີ້ແມ່ນປຽບສະເໜືອນການພົບແສງປາຍອຸມົງ ໂດຍກ່ອນໜ້ານີ້ ດຣ ແອນໂທນີ ເຟົາຊີ (Anthony Fauci) ທີ່ປຶກສາດ້ານ COVID-19 ປະຈໍາທໍານຽບຂາວເຄີຍອອກມາເປີດເຜີຍວ່າວັກຊີນທີ່ມີອັດຕາຄວາມສຳເລັດ 50-60% ຈະຖືວ່າເປັນວັກຊີນທີ່ຍອມຮັບເພື່ອນໍາມາໃຊ້ຈິງໄດ້.
© ໂຕະນໍ້າຊາ | tonamcha.com
_______