ມີ່ມີ່ ພູນຊັບ ມິສອິນເຕິເນຊັນນອລ ລາວ ບິນລັດຟ້າສູ່ຍີ່ປຸ່ນ ກຽມໂຕຂື້ນປະກວດທີ່ ຢູ່ໂຕກຽວ ປະເທດຍີ່ປຸ່ນ

ອີກໜຶ່ງເວທີທີ່ມີສາວລາວເຂົ້າຮ່ວມການປະກວດຄື ມິສອິນເຕິເນຊັນນອລ ຫຼື ຊື່ທາງການວ່າ The 5th Miss International Beauty Pageant ໂດຍໂຕແທນສາວລາວແມ່ນ ມິມີ່ ພູນຊັບ ພົນໂຍທາ ມິສອິນເຕິເນຊັນນອລ ລາວ 2017 (Miss International Lao 2017) ເຊິ່ງງານປະກວດຈະມີຂື້ນທີ່ນະຄອນໂຕກຽວ, ປະເທດຍີ່ປຸ່ນ ເລີ່ມແຕ່ວັນ 25 ຕຸລາ 2107 - 14 ພະຈິກ 2017 ແລະ ມື້ປະກວດໃຫຍ່ (ຮອບສຸດທ້າຍ) ແມ່ນໃນວັນທີ 14 ພະຈິກ 2017 ນີ້ ໂດຍ ມິມີ່ ພູນຊັບ ພົນໂຍທາ ຈະໄປເກັບໂຕ ແລະ ຮ່ວມເຮັດກີດຈະກໍາກັບໂຕແທນສາວງາມ ຫຼື ມິສອິນເຕິເນຊັນນອລ ຈາກ 70 ປະເທດໂລກ.

ຂ່າວອັບເດດລ່າສຸດ ມິມີ່ ພູນຊັບ ພົນໂຍທາ ເດີນທາງເຖິງສະໜານບິນທີ່ນະຄອນໂຕກຽວ, ປະເທດຍີ່ປຸ່ນ ແລ້ວ ພ້ອມກັບຖ່າຍຮູບ Selfie ກັບເພື່ອນສາວງານ (ມິສອິນເຕິເນຊັນນອລຈາກປະເທດອື່ນ) ທີ່ເດິນທາງມາເຖິງພ້ອມກັນ. ສໍາລັບທ່ານທີ່ຕ້ອງການສຶກຂໍ້ມູນ ມິສອິນເຕິເນຊັນນອລຈາກປະເທດອື່ນ ທີ່ມາຮ່ວມການປະກວດສາມາດເຂົ້າໄປທີ່ https://www.miss-international.org/en/