ນາຊາ ພົບດາວເຄາະ 10 ໜ່ວຍທີ່ຄ້າຍຄືກັບໜ່ວຍໂລກ

ໃນວັນທີ 20 ມິຖຸນາ 2017 ອົງການນາຊາໄດ້ທະວິດຂໍ້ຄວາມວ່າ ຍານສໍາຫຼວດອາອະກາດ Kepler ໄດ້ພົບໝູ່ດາວເຄາະຈໍານວນ 216 ໜ່ວຍ ແລະ ໜຶ່ງໃນຈໍານວນນັ້ນມີ 10 ໜ່ວຍທີ່ພົບວ່າມີຂະໜາດ ແລະ ສະພາບຄ້າຍກັບໜ່ວຍໂລກທີ່ສຸດ ເຊິ່ງນີ້ອາດເປັນຂ່າວດີສໍາລັບຄົນທີ່ໄຝ່ຝັນທີ່ຢາກໄປຢູ່ນອກໂລກ.

NASA ລະບຸຕື່ມວ່າ ດາວເຄາະເຫຼົ່ານັ້ນແມ່ນຢູ່ໃນລະບົບສຸລິຍະ ເຊິ່ງບໍ່ໃກ້ ແລະ ໄກເກີນໄປຈາກດວງອາທິດ ນັ້ນກໍໝາຍຄວາມວ່າສະພາບອາກາດໜ້າຈະມີສິ່ງມີຊີວິດອາໃສ່ຢູ່ໄດ້.

ສໍາລັບການຄົນພົບຄັ້ງນີ້ເຮັດໃຫ້ຍານອາວະກາດ Kepler ສາມາດສ້າງສະຖິຕີຄົ້ນພົບດາວເຄາະນອກລະບົບສຸລິຍະທີ່ເຮົາອາໄສໄດ້ເຖິງ 4,034 ໜ່ວຍ ເຊິ່ງລວມມີດາວເຄາະທີ່ຢູ່ໃນລະບົບສຸລິຍະຈໍານວນ 2,335 ໜ່ວຍ ແບ່ງເປັນດາວຂະໜາດໃກ້ຄຽງກັບໜ່ວຍໂລກ 50 ໜ່ວຍ ໂດຍມີສໍາຫຼວດແລ້ວ 30 ໜ່ວຍ.

ຈາກຂໍ້ມູນທີ່ໄດ້ຈາກຍານອາວະກາດ Kepler ເຮັດໃຫ້ອົງການ NASA ສາມາດເຂົ້າໃຈ ແລະ ຈັດສັນປະຊາກອນດາວເຄາະໄດ້ດີຂື້ນ ຮວມທັງເຂົ້າໃຈການປະກົດໂຕຂອງດວງດາວຕ່າງໆໃນລະບົບກາແລກຊີ ເປັນຂໍ້ມູນສໍາຄັນທີ່ສາມາດນໍາໄປວາງແຜນໂຄງການອະວະກາດໃນອະນາຄົດ.

ພາບທີ່ຖ່າຍດ້ວຍ ຍານອາວະກາດ Kepler -1