ສ່ອງພາບ ລູກນໍ້າ ທິດາລັດ ຟ້ອນບວງສວງກັບ 10,000 ຄົນ ໃນສາກໃຫຍ່ຂອງຮູບເງົາເລື່ອງ "ບັງເອີນຮັກ ຂ້ອຍຮັກເຈົ້າ”

ນີ້ແມ່ນອີກຜົນງານໜຶ່ງຜົນງານຂອງ ສາວຫຼາກຫຼາຍ ຄວາມສາມາດ “ລູກນໍ້າ ທິດາລັດ” ແລະ ກໍາລັງເປັນທີ່ເວົ້າເຖິງກັນທີ່ສຸດກັບ ຮູບເງົາເລື່ອງ"ບັງເອີນຮັກ ຂ້ອຍຮັກເຈົ້າ” ໂດຍມີ ລູກນໍ້າ ທິດາລັດ ນໍາສະແດງເປັນນາງເອກຂອງເລື່ອງ ເຊິ່ງເປັນຮູບເງົາຣ່ວມມືລະຫວ່າງລາວ-ໄທ ທີ່ໄດ້ທີການເປີດກ້ອງຖ່າຍໃນວັນທີ 21 ທັນວາ 2018 ທີ່ຜ່ານມາທີ່ ແຂວງ ອຸດອນທານີ ປະເທດໄທ ແລະ ລ່າສຸດກໍາລັງເລັ່ງຖ່າຍທໍາສາກໃຫຍ່ຂອງເລື່ອງ ທີ່ເປັນສາດການຟ້ອນບວງສວງ ສົມເດັດກົມຫຼວງປະຈັກ ໃນງານຟ້ອນ ສະດຸດີກົມຫຼວງປະຈັກ ຄົບຮອບການສ້າງຕັ້ງແຂວງ ອຸດອນທານີ ຄົບຮອບ 126 ປີ ຮ່ວມກັບຄົນເປັນ 10,000 ຄົນ ເຊິ່ງເປັນສາກໜຶ່ງຂອງຮູບເງົາເລື່ອງ "ບັງເອີນຮັກ ຂ້ອຍຮັກເຈົ້າ” ທີ່ຕ້ອງບອກວ່າມີຄວາມງົດງາມ ແລະ ອະລັງການງານສ້າງ.

ສໍາລັບ ຮູບເງົາເລື່ອງ ບັງເອີນຮັກ ຂ້ອຍຮັກເຈົ້າ ນອກຈາກຈະມີ ລູກນໍ້າ ມາເປັນນັກສະແດງນຳແລ້ວ ຍັງມີນັກສະແດງຈາກຝັ່ງໄທເປັນຕົ້ນແມjນ : ສົນ ເດິສະຕາ, ແຄນດີ້ ຣາກແກ່ນ ແລະ ນັກສະແດງຈາກຝັ່ງລາວອີກເຊັ່ານ: ສຸນິຕາ ໄຊຊະນະ, ຮັນນາ ເຣເຊັນບູນ, ເຕົ໋າ ຈັນທະວົງ, ພັນນໍລິນ ພິຈິດ, ວົງວິຈິດ ພັນດານຸວົງ, ສິລິຍາກອນ ສົມມະນີວົງ ແລະ ນັກສະແດງອື່ນໆອີກຫຼາຍຄົນ ໂດຍ ຮູບເງົາເລື່ອງນີ້ມີຕາຕະລາງຈະເຂົ້າສາຍໃນເດືອນ 2019 ນີ້.