ອາດີດນາງານຖືກສາດນໍ້າກົດ ຈົນເຮັດໃຫ້ຕາບອດ ແຕ່ບໍ່ຍອມທໍ້ຂໍກັບມາເຮັດວຽກທີ່ຕົນຮັກ

ອ່ານເລື່ອງນີ້ແລ້ວຄິດຮອດຄໍາບູຮານລາວທີ່ວ່າ “ຄວາມຮັກເຮັດໃຫ້ຄົນຕາບອດ” ແຕ່ນີ້ອາດເປັນຄົນລະກໍລະນີກັນເພາະນີ້ແມ່ນການຈົງໃຈສາດນໍ້າກົດໃສ່ຈົນເຮັດໃຫ້ຕາບອດຂ້າງໜຶ່ງ. ສໍາລັບເຫດການນີ້ເກີດຂື້ນກັບອາດີດນາງງາມ ຊື່ ເຈສສີກາ ໂນທາໂຣ ອາຍຸ 28 ປີ ທີ່ກຳລັງຈະມີຊີວິດທີ່ສົດໃສ ແລະ ເປັນຄວາມຫັວງຂອງຄອບຄົວ ແຕ່ກັບຕ້ອງມາພົບເລື່ອງໜ້າເສົ້າ ແລະ ເກີດຝັນຮ້າຍກັບລາວເມື່ອ 5 ເດືອນຜ່ານມາ

ເຊິ່ງເລື່ອງລາວເກີດຈາກຄວາມຮັກກາຍເປັນຄວາມຂ້ຽວແຄ້ນ ໂດຍ ຈອດຈ໌ອາດີດແຟນເກົ່າຂອງລາຂ້ຽດແຄ້ນທີ່ ເຈສສີກາ ບອກເລີກ ແລະ ນັ້ນກໍເປັນທີ່ມາທີ່ເຮັດໃຫ້ ຈອດຈ໌ຂ້ຽດແຄ້ນ ແລະ ພະຍາຍາມຕິດຕາມ ເຈສສີກາ ໄປທຸກແຫ່ງ ຈົນ ເຈສສີກາ ເຂົ້າໄປແຈ້ງຄວາມກັບເຈົ້າໜ້າທີ່ຕໍາຫຼວດ ແລະ ເຈົ້າໜ້າທີ່ຕໍາຫຼວດກໍສັ່ງຫ້າມບໍ່ໃຫ້ ຈອດຈ໌ເຂົ້າໃກ້ ເຈສສີກາ ອີກຕໍ່ໄປ ແຕ່ເລື່ອງກັບໄປກັນໃຫຍ່ເມື່ອ ຈອດຈ໌ ຕັດສີນໃຈກໍເຫດດ້ວຍການສາດນໍ້າກົດໃສ່ໃບໜ້າຂອງ ເຈສສີກາ ເຊິ່ງໃນຂະນະນັ້ນ ເຈສສີກາກໍນັ່ງລົງຄຸເຂົ່າວິ້ງວອນວ່າໃຫ້ເອົາແຕ່ຄວາມງາມລາວໄປ ແຕ່ຂໍຢ່າເອົາດວງຕາທັງສອງໜ່ວຍໄປນໍາ ໂດຍຂໍໃຫ້ເຫຼືອໄວໜ່ວຍໜຶ່ງ ໄວ້ພໍທີ່ຈະໄດ້ເຫັນໂລກໃບນີ້ອີກຕໍ່ໄປ.

ພາຍຫຼັງທີ່ ເຈສສີກາ ພັກຮັກສາໂຕຢ່າງຕໍ່ເນື່ອງ ຈົນແຂງແຮງທັງກາຍ ແລະ ຈິດໃຈ ແລະ ສາມາດໃຊ້ຊີວິດໄດ້ຢ່າງປົກກະຕິ ລາວຈິ່ງຂໍກັບມາເຮັດວຽກທີ່ລາວຮັກຄືເກົ່າ ເຊິ່ງກໍອາດສ່ຽງທີ່ຕາໜ່ວຍສຸດທ້າຍເບື້ອງຊ້າຍຂອງ ເຈສສີກາ ຈະບອດໄປນໍາກັນ ແຕ່ລາວກໍ່ບໍ່ຍອມແພ້ຕໍ່ໂຊກຊາຕາ ແລະ ບັນຫາຊີວິດ ຢືນຢັ້ງຈະເຮັດວຽກທີ່ຮັກຕໍ່ໄປ.