Header Ads

ລັດ​ຖະ​ບານ​ລາວຈະຂາຍ​ຫຸ້ນຈຳ​ນວນໜຶ່ງ​ຂອງ​ບໍ​ລິ​ສັດ​ການ​ບິນ​ລາວ



ໃນ​ຖາ​ນະ​ເປັນ​ສ່ວນ​ໜຶ່ງ​ຂອງ​ການ​ປະ​ຕິ​ຮູບ​ລັດ​ວິ​ສາ​ຫະ​ກິດ, ລັດ​ຖະ​ບານ​ລ​າວ​ພວມ​ກຽມການ​ຂາຍ​ຫຸ້ນ​​ຈຳ​ນວນ​ໜຶ່ງ​ຂອງ​ບໍ​ລິ​ສັດ​ການ​ບິນ​ລາວ ເພື່ອ​ໃຫ້​ບໍ​ລິ​ສັດ​ສາ​ມາດ​ດຳ​ເນີນ​ງານ​ຢ່າງ​ມີ​ປະ​ສິດ​ທິ​ພາບແລະ​ມີ​ຄວາມ​ສາ​ມາດ​ຫາ​ຜົນ​ກຳ​ໄລ​ຫຼາຍກວ່າ​
ເກົ່າ.



​ໜັງ​ສື​ພິມ​ວຽງ​ຈັນ​ທ້າມ​ສ໌​​ສະ​ບັບ​ວັນ​ທີ 27 ມິ​ຖຸ​ນາ​ນີ້​ໄດ້​ລາຍ​ງານ​ໂດຍ​ອ້າງ​ຕາມການ​ເປີດ​ເຜີຍ​ຂອງທ່ານ ຈະ​ເລີນ ເຢຍ​ປາວ​ເຮີ ໂຄ​ສົກ​ລັດ​ຖະ​ບານ​ລາວ​ທີ່​ກ່າວ​ຫຼັງ​ກອງ​ປະ​ຊຸມ​ວຽກ​ງານ​ລັດ​ຖະ​ບານ​ໃນ​ເດືອນ​ມິ​ຖຸ​ນາ​ນີ້​ວ່າ: ປະ​ເທດ​ລາວ​ ​ມີ​ລັດ​ວິ​ສາ​ຫະ​ກິດ 180 ແຫ່ງ​ຜະ​ເຊີນ​ກັບ​ຄວາມ​ຫຍຸ້ງ​ຍາກ, ຂະ​ນະ​ທີ່ກ່ອນ​ໜ້າ​ນີ້, ທ່ານ​​ນາ​ຍົກ​ລັດ​ຖະ​ມົນ​ຕີ ທອງ​ລຸນ ສີ​ສຸ​ລິດ​ກໍ​ໄດ້​ກ່າວ​ຕໍ່​ສະ​ພາ​ແຫ່ງ​ຊາດ​ວ່າ​ຈະ​ບໍ່​ອຸດ​ໜຸນ​ລັດ​ວິ​ສາ​ຫະ​ກິດ​ອີກ,ແຕ່​ຈະໃຊ້​ມາດ​ຕະ​ການ​​ປັບ​ປຸງ​ການ​ດຳ​ເນີນ​ງານ​ຂອງວິ​ສາ​ຫະ​ກິດ​ເຫຼົ່າ​ນີ້. ​ພ້ອມ​ທັງ​ຍິນ​ດີ​ຕ້ອນ​ຮັບ​ບໍ​ລິ​ສັດ​ການ​ບິນ​ຕ່າງ​ປະ​ເທດ​ທີ່​ມີ​ຄຸນ​ນະ​ພາບ​ດີ​ແລະ​ເໝາະ​ສົມ​ຮ່ວມ​ຖື​ຫຸ້ນ​​ຂອງ​ບໍ​ລິ​ສັດ​ການ​ບິນ​ລາວ ທີ່​ສຳ​ຄັນ"ເປົ້າ​ໝາຍ​ທີ່​ລັດ​ຖະ​ບານ​ຍົກ​ຄວາມ​ສາ​ມາດ​ຂອງ​ລັດ​ວິ​ສາ​ຫະ​ກິດ​ໃຫ້​ສູງ​ຂຶ້ນ​ກໍ​ຄື​ການຊອກ​ຫາ​ບໍ​ລິ​ສັດ​ການ​ບິນ​ຕ່າງ​ປະ​ເທດ​ມາ​ຮ່ວມ​ຫຸ້ນ,ຫາກ​ບໍ່​ແມ່ນ​ການ​ຂາຍ​ບໍ​ລິ​ສັດ".





ເຈົ້າ​ໜ້າ​ທີ່​ອາ​ວຸ​ໂສຂອງ​ບໍ​ລິ​ສັດ​ການ​ບິນ​ລາວ​ເປີດ​ເຜີຍ​ຕໍ່​ນັກ​ຂ່າວ​ໜັງ​ສື​ພິມ​ວຽງ​ຈັນ​ທ້າມ​ສ໌​ວ່າ: ປັດ​ຈຸ​ບັນ,​ມີ​ນັກ​ລົງ​ທຶນ​ຈຳ​ນວນ​ໜຶ່ງສົນ​ໃຈ​ແລ້ວ,ແລະພວມ​ເກັບ​ກຳ​ຂໍ້​ມູນ​ທີ່​ກ່ຽວ​ຂ້ອງ​​ຂອງ​ລາວ.

ທີ່ມາ: CRI FM93
© ໂຕະນໍ້າຊາ | tonamcha.com
___________



Powered by Blogger.