ມຽນມາຕອບໂຕ້ UN ຢືນຢັ້ງບໍ່ມີການຂ້າລ້າງເຜົ່າພັນຊາວໂຣຮີງຢາ

ສໍານັກຂ່າວຕ່າງປະເທດລາຍງານວ່າ: ເອກອັກຄະລາສະທູດປະເທດມຽນມາທີ່ເຂົ້າຮ່ວມກອງປະຊຸມສະມັດຊາໃຫຍ່ອົງການສະຫະປະຊາຊາດ ສະໄໝທີ 72 ທີ່ນະຄອນນີວຢອກ ສ. ອາເມຣິກາ ໄດ້ປະຕິເສດປະເດັນການໃຊ້ຄວາມຮຸນແຮງ ແລະ  ຂ້າລ້າງເຜົ່າພັນຊາວໂຣຮີງຢາ ໂດຍຢືນຢັນລັດຖະບານມຽນມາບໍ່ນະໂຍບາຍສະໜັບສະໜຸນ ຫຼື ມາດຕາການແບບນີ້ກັບຊາວໂຣຮີງຢາ.

ທ່ານ ໂຮວ ໂດ ຊວນ ເອກອັກຄະລາສະທູດມຽນມາປະຈໍາສະຫະປະຊາຊາດ 

ການຖະແຫຼງຂອງ ທ່ານ ໂຮວ ໂດ ຊວນ ເອກອັກຄະລາສະທູດມຽນມາປະຈໍາສະຫະປະຊາຊາດ (UN) ໃນລະຫວ່າງການຮ່ວມກອງປະຊຸມສະມັດຊາໃຫຍ່ອົງການສະຫະປະຊາຊາດ ທີ່ຢືນຢັງວ່າຜູ້ນໍາມຽນມາ ຕໍ່ສູ້ເພື່ອອິດສະຫຼະພາບ, ສິດທິມະນຸດສັດທໍາ ແລະ ຕໍ່ຕ້ານການໃຊ້ຄວາມຮຸນແຮງແຮງມາດົນນານ ເຊິ່ງລັດຖະບານເອງກໍເຮັດທຸກຢ່າງເພື່ອປົກປ້ອງບໍ່ໃຫ້ມີການຂ້າລ້າງເຜົ່າພັນ ແລະ ຍັງເປັນຄວາມຮັບຜິດຊອບຂອງລັດຖະບານທີ່ຈະຕ້ອງຕໍ່ສູ້ກັບກຸ່ມຜູ້ກໍ່ການຮ້າຍ ແລະ ປົກປ້ອງຜູ້ບໍລິສຸດ.

ກ່ອນໜ້ານີ້ສະຫະປະຊາ ລະບຸວ່າ ປະຕິບັດການຕອບໂຕ້ທາງການທະຫານຂອງລັດຖະບານມຽນມາ ໂດຍການກວາດລ້າງເຜົ່າພັນດ້ວຍການຂັບໄລ່ຊາວມຸສລິມ ໂຣຮີງຢາອອກຈາກມຽນມາ ແຕ່ທາງລັດຖະບານມຽນກໍອອກມາປະຕິເສດຂໍ້ກ່າວຫາດັ່ງກ່າວ ພ້ອມກັບຊີ້ແຈ້ງວ່າ ລັດຖະບານມຽນກໍາລັງຕໍ່ສູ້ກັບກຸ່ມຜູ້ກໍ່ການຮ້າຍ ແລະ ລາຍງານໂຕເລກຜູ້ເສຍຊີວິດຈາກເຫດປະທະ (ການໂຈມຕິປ້ອມຕໍາຫຼວດຫຼາຍກວ່າ 30 ຈຸດໃນລັດຍະໄຂ ໃນວັນທີ 25 ສິງຫາ ຜ່ານມາ) ປະມານ 400 ຄົນລ້ວນແລ້ວແຕ່ເປັນກຸ່ມຕິດອາວຸດ ຫຼື ກຸ່ມຜູ້ກໍ່ການຮ້າຍ  ແລະ ມີຊາວໂຣຮີງຢາອົບພະຍົກໄປປະເທດບັງກາລາເທດ 430,000 ຄົນ. 

ທ່ານ ໂຄຟີ ອານັນ ອາດີດເລຂາທິການໃຫຍ່ສະຫະປະຊາຊາດ
(United Nation)

ຢ່າງໃດກໍຕາມ, ທ່ານ ໂຄຟີ ອານັນ ( Kofi Annan) ອາດີດເລຂາທິການໃຫຍ່ສະຫະປະຊາຊາດຮຽກຮ້ອງໃຫ້ມີການພັດທະນາເສດຖະກິດ ແລະ ຄວາມຍຸດຕິທໍາທາງສັງຄົມໃນການຕໍ່ຕ້ານອັນຕະລາຍຈາກຄວາມຮຸນແຮງລະຫວ່າງຊາວພຸດ ແລະ ຊາວມຸສລິມໃນລັດຍະໄຂ່ ເພື່ອໃຫ້ລັດຖະບານມີແຜນງານທີ່ຊັດເຈນ (a clear roadmap)  ໃນການແກ້ໄຂບັນຫາໃນອະນາຄົດ. 

ທີ່ມາ: The Economic Times

© ໂຕະນໍ້າຊາ | tonamcha.com    

___________