ທ່ານ ຄໍາໄຕ ສີພັນດອນ ເນັ້ນພະນັກງານຫຼັກແຫຼ່ງແຂວງຫົວພັນ ໃຫ້ເອົາໃຈໃສ່ຫລາຍບັນຫາ
ວັນທີ 27 ມັງກອນ 2019 ນີ້, ທ່ານ ຄຳໄຕ ສີພັນດອນ ອາດີດເລຂາທິການ ໃຫຍ່ພັກປະຊາຊົນປະຕິວັດລາວ, ອາດີດປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ພົບປະໂອ້ລົມພະນັກງານຫຼັກແຫຼ່ງແຂວງຫົວພັນ ຢູ່ຫ້ອງວ່າການປົກຄອງແຂວງ, ໂດຍມີ ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ, ມີບັນດາທ່ານໃນຄະນະປະຈຳພັກແຂວງ, ກຳມະການພັກແຂວງ, ຫົວໜ້າ, ຮອງຫົວໜ້າພະແນກການ ແລະ ການນຳເມືອງ 10 ເມືອງເຂົ້າຮ່ວມຮັບຟັງ.
ການພົບປະໂອ້ລົມຄັ້ງນີ້, ທ່ານ ຄຳໄຕ ສີພັນດອນ ໄດ້ຕີລາຄາສູງຕໍ່ຜົນສຳເລັດໃນການຊີ້ນຳ – ນຳພາຂອງການນຳແຂວງຫົວພັນທຸກຂັ້ນໃນໄລຍະຜ່ານມາ ທີ່ໄດ້ເຮັດໃຫ້ແຂວງຫົວພັນມີສະຖຽນລະພາບທາງດ້ານການເມືອງ, ເສດຖະກິດ – ສັງຄົມມີການຂະຫຍາຍຕົວ ແລະ ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂື້ນເທື່ອລະກ້າວໂດຍສອດຄ່ອງຕາມແນວທາງນະໂຍບາຍຂອງພັກວາງອອກໃນແຕ່ລະໄລຍະ.
ພ້ອມນີ້, ທ່ານຍັງໄດ້ຍົກໃຫ້ເຫັນລັກສະນະສັງຄົມນິຍົມທີ່ເປັນສີສັນສະເພາະຂອງ ລາວ ແລະ ທັງແມ່ນເປົ້າໝາຍທີ່ພັກເຮົາຕ້ອງນຳພາຢ່າງຈົດຈໍ່ໂດຍເລີ່ມຈາກການສ້າງປະຖົມປັດໃຈສັງຄົມ ນິຍົມແຕ່ຮາກຖານຂື້ນມາເຊິ່ງຕ້ອງໄດ້ກຳນົດຢູ່ໃນມະຕິກອງປະຊຸມໃຫຍ່ຂອງພັກເພື່ອເປັນທິດຊີ້ນຳ ໃຫ້ແກ່ຄະນະພັກຂັ້ນຕ່າງໆ ແລະ ລັດ, ເປັນນິຕິກຳ, ລະບອບລະບຽບການ ແລະ ຍຸດທະສາດການ ພັດທະນາພ້ອມທັງເປັນບ່ອນອີງໃຫ້ແກ່ ການຄຸ້ມຄອງ, ຕິດຕາມ, ກວດກາການຈັດຕັ້ງປະຕິບັດ, ສ້າງ ແລະ ຂະຫຍາຍລະບອບປະຊາທິປະໄຕປະຊາຊົນ, ສ້າງໃຫ້ເກີດການພົວພັນການຜະລິດ ແລະ ກຳລັງ ການຜະລິດສັງຄົມນິຍົມໂດຍອີງໃສ່ 2 ແຫຼ່ງຊັບພະຍາກອນທີ່ມີຢູ່ກັບທີ່ເປັນຫຼັກຄື: ຊັບພະ ຍາກອນທຳມະຊາດ ແລະ ສະຕິປັນຍາເຫື່ອແຮງຂອງປະຊາຊົນສົມທົບກັບ ທຶນຮອນ, ເຕັກນິກ-ເຕັກໂນໂລຢີ ແລະ ການ ຕະຫຼາດຈາກພາຍນອກ. ເຮັດໄດ້ຄືດັ່ງກ່າວ, ບໍ່ພຽງແຕ່ສາມາດແກ້ໄຂ ໄດ້ຄວາມແຕກໂຕນດ້ານຄວາມຮັ່ງມີຢູ່ຮາກຖານເທົ່ານັ້ນຫາກຍັງສາມາດແກ້ໄຂຄວາມແຕກໂຕນ ດ້ານການພັດທະນາລະຫວ່າງຊົນນະບົດກັບຕົວເມືອງ.
ຕ້ອງສ້າງໃຫ້ທ້ອງຖີ່ນຮາກຖານໂດຍສະ ເພາະຂັ້ນບ້ານມີຄວາມໜັກແໜ້ນ ທາງດ້ານແນວຄິດການເມືອງ, ເຂັ້ມແຂງທາງດ້ານການຈັດຕັ້ງ, ຮັ່ງມີທາງດ້ານເສດຖະ ກິດ-ການເງິນ ແລະ ຈະເລີນກ້າວໜ້າທາງດ້ານສັງຄົມ-ວັດທະນະທຳ ແລະ ສ້າງຄວາມ ເຂັ້ມແຂງໃນດ້ານປ້ອງກັນຊາດ, ປ້ອງກັນຄວາມສະຫງົບທົ່ວປວງຊົນຮອບດ້ານ ເພື່ອສາ ມາດປະກອບສ່ວນເຂົ້າໃນການປົກປັກຮັກສາອະທິປະໄຕ ແລະ ເຂດນ້ຳແດນດິນຂອງ ຊາດ, ປົກປັກຮັກສາຄວາມສະຫງົບໃຫ້ແກ່ບ້ານຊ່ອງ ແລະ ຊີວິດຊັບສິນຂອງປະຊາຊົນ. ຄຽງຄູ່ກັນນີ້, ຕ້ອງໄດ້ເອົາໃຈໃສ່ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານເພື່ອໃຫ້ເມືອງສາມາດປະກອບ ສ່ວນສ້າງແຂວງໃຫ້ເປັນຫົວໜ່ວຍຍຸດທະສາດ ແລະ ເພື່ອຊ່ວຍ ໜູນໃຫ້ແກ່ການສ້າງບ້ານພັດທະນາ ແລະ ປະຊາຊົນຢູ່ດີກິນດີ.
ໃນນີ, ຕ້ອງສ້າງໃຫ້ ເມືອງເຂັ້ມແຂງດ້ານວຽກງານກໍ່ສ້າງພັກພະນັກງານ, ດ້ານການປົກຄອງ ແລະ ຄຸ້ມຄອງ ບໍລິຫານ, ດ້ານການຈັດຕັ້ງ, ການພົວພັນການຜະລິດ ແລະ ກໍ່ສ້າງກຳລັງການຜະລິດ ສັງຄົມນິຍົມແຕ່ຮາກຖານຂື້ນມາ, ເຂັ້ມ ແຂງດ້ານເສດຖະກິດ – ການເງິນ ແລະ ການ ປົກປັກຮັກສາຊັບພະຍາກອນທຳມະຊາດ – ສິ່ງແວດ ລ້ອມ, ເຂັ້ມແຂງໃນການພັດທະ ນາດ້ານສັງຄົມ – ວັດທະນະທຳ ແລະ ເຂັ້ມແຂງດ້ານວຽກງານປ້ອງ ກັນຊາດ – ປ້ອງ ກັນຄວາມສະ ຫງົບ. ເອົາໃຈໃສ່ສ້າງແຂວງເປັນຫົວໜ່ວຍຍຸດທະສາດດ້ວຍການສ້າງອົງ ຄະນະພັກແຂວງໃຫ້ເປັນ ແກ່ນສານໃນການນຳພາທີ່ມີຄວາມສາມາດ ແລະ ເປັນກຳລັງ ນຳໜ້າໃນທຸກຂົງເຂດວຽກງານ, ແມ່ນປັບປຸງບູລະນະອົງການປົກຄອງແຂວງເຊິ່ງເປັນຫົວໜ່ວຍປົກຄອງຂັ້ນສູງສຸດຢູ່ທ້ອງຖີ່ນໂດຍ ຮັບຜິດຊອບບໍລິເວນໜື່ງຂອງປະເທດໃຫ້ສາມາດປະກອບສ່ວນເຂົ້າໃນຍຸດທະສາດລວມຂອງປະ ເທດຄື: ເຮັດໃຫ້ປະຊາຊົນຢູ່ດີກິນດີ, ປະເທດຊາດມັ່ງຄັ່ງເຂັ້ມແຂງ, ສັງຄົມມີຄວາມສາມັກຄີປອງ ດອງ, ປະຊາທິປະໄຕ, ສີວິ ໄລ ແລະ ຍຸຕິທຳ.
ພາບ ແລະ ຂ່າວ: ວີຢ່າງ ເຢຍຕູ້ (ຂ່າວສານແຂວງຫົວພັນ)
© ໂຕະນໍ້າຊາ | tonamcha.com
___________
Post a Comment