ລູກນໍ້າ ທິດາລັດ ໃສ່ຊຸດລາວ ເຂົ້າຮັບລາງວັນທູດວັດທະນະທຳດີເດັ່ນອາຊຽນ

ໃນວັນທີ 27 ມັງກອນ 2019 ຜ່ານມານີ້, ລູກນໍ້າ (ທິດາລັດ ວົງສິລິ ) ເຂົ້າຮັບລາງວັນ ທູດວັດທະນະທຳດີເດັ່ນ ໂດຍນຸ່ງຊຸດໄໝລາວຄົບຊຸດເພື່ອເຂົ້າຮັບງານວັນອັນມີກຽດນີ້. ສໍາລັບລາງວັນທູດວັດທະນະທຳດີເດັ່ນ ຫຼື ASEAN Cultural Day ແມ່ນຖືກຈັດຂື້ນທຸກໆປີ ໂດຍຜູ້ຈັດແມ່ນສູນອາຊຽນສຶກສາ ຮ່ວມກັບສຳນັກສິລະປະ ແລະ ວັດທະນະທຳ ມະຫາວິທະຍາໄລ ຣາຊະພັດການຈະນະບູຣີ ປະເທດໄທ, ເຄື່ອຂ່າຍນັກສຶກສາ MCU-ASEAN (MCU-ASEAN Student Networks ) ແລະ ຄູ່ຮ່ວມງານອື່ນໆ.

ຄົນທີ່ໄດ້ຮັບລາງວັນ ທູດວັດທະນະທຳດີເດັ່ນ ນອກຈາກ ລູກນໍ້າ- ທິດາລັດ ວົງສິລິ ຍັງມີ ຕຸ້ຍ Overdance ທີ່ໄດ້ຮັບລາງວັນ ແລະ ເຂົ້າຮັບລາງວັນພ້ອມກັບ ລູກນໍ້າ.

ລູກນໍ້າ ມີຫຼາກຫຼາຍຜົນງານລະດັນອາຊຽນ ກັບບັນດາບໍລິສັດຜູ້ຜະລິດຮູບເງົາ ແລະ ລະຄອນຈາກປະເທດເພື່ອນບ້ານ (ປະເທດໄທ) ໂດຍລ່າສຸດແມ່ນການເປີດກ້ອງລະຄອນຊື່ "ດອກຄູນສຽງແຄນ"ທີ່ຈະອອກອາກາດທາງຊ່ອງ GMM 25 ແລະ ຮູບເງົາເລື່ອງ "ບັງເອິນຂ້ອຍຮັກເຈົ້າ" ມີກຳນົດເຂົ້າສາຍໃນໂຮງໃນເດືອນເມສາ 2019 ນີ້.