ທົ່ວປະເທດມີຜູ້ເສຍຊີວິດ 38 ຄົນ ໃນຊ່ວງສະຫຼອງປີໃໝ່ສາກົນ
ອີງໃສ່ສະຖິຕິອຸບັດເຫດໃນໄລຍະສົ່ງທ້າຍປີເກົ່າ 2018 ແລະ ຕ້ອນຮັບປີໃໝ່ສາກົນ 2019 (ນັບແຕ່ວັນທີ 28 ທັນວາ 2018-1 ມັງກອນ 2019) ຂອງກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບ 5 ວັນ ທົ່ວປະເທດມີອຸບັດເຫດເກີດຂຶ້ນທັງໝົດ 187 ຄັ້ງ ມີຜູ້ເສຍຊີວິດ 38 ຄົນ ຍິງ 9 ຄົນ ເດັ່ນກວ່າໝູ່ແມ່ນຢູ່ນະຄອນຫຼວງວຽງຈັນ ສ່ວນແຂວງຫົວພັນບໍ່ມີອຸບັດເຫດເກີດຂຶ້ນ.
ສະເພາະຢູ່ນະຄອນຫຼວງວຽງຈັນ ມີອຸບັດເຫດເກີດຂຶ້ນທັງໝົດ 43 ຄັ້ງ ມີຜູ້ເສຍຊີວິດ 8 ຄົນ ຍິງ 4 ຄົນ ແຂວງຜົ້ງສາລີ 5 ຄັ້ງ ເສຍຊີວິດ 2 ຄົນ ອຸດົມໄຊ 13 ຄັ້ງ ເສຍຊີວິດ 2 ຄົນ ຫຼວງນ້ຳທາ 7 ຄັ້ງ ເສຍຊີວິດ 3 ຄົນ ບໍ່ແກ້ວ 7 ຄັ້ງ ເສຍຊີວິດ 2 ຄົນ ໄຊຍະບູລີ 14 ຄັ້ງ ເສຍຊີວິດ 2 ຄົນ ຫຼວງພະບາງ 14 ຄັ້ງ ເສຍຊີວິດ 3 ຄົນ ຫົວພັນ (ບໍ່ມີອຸບັດເຫດ) ຊຽງຂວາງ 4 ຄັ້ງ ເສຍຊີວິດ 1 ຄົນ ໄຊສົມບູນ 1 ຄັ້ງ (ບໍ່ມີຜູ້ເສຍຊີວິດ) ແຂວງວຽງຈັນ 10 ຄັ້ງ ເສຍຊີວິດ 3 ຄົນ ບໍລິຄຳໄຊ 13 ຄັ້ງ ເສຍຊີວິດ 3 ຄົນ ຄຳມ່ວນ 8 ຄັ້ງ ເສຍຊີວິດ 1 ຄົນ ສະຫວັນນະເຂດ 13 ຄັ້ງ ເສຍຊີວິດ 4 ຄົນ ສາລະວັນ 10 ຄັ້ງ ເສຍຊີວິດ 1 ຄົນ ຈຳປາສັກ 15 ຄັ້ງ ເສຍຊີວິດ 3 ຄົນ ເຊກອງ 2 ຄັ້ງ (ບໍ່ມີຜູ້ເສຍຊີວິດ) ແລະ ແຂວງອັດຕະປື 8 ຄັ້ງ (ບໍ່ມີຜູ້ເສຍຊີວິດ)
ສາເຫດຕົ້ນຕໍຂອງການເກີດອຸບັດເຫດ ແມ່ນເກີດຈາກຜູ້ຂັບຂີ່ລະເມີດກົດລະບຽບການສັນຈອນ ຂັບຂີ່ໃນຄະນະມຶນເມົາ ບໍ່ໃສ່ໝວກກັນກະທົບ ຂັບຂີ່ໄວເກີນກຳນົດ ປ່ຽນທິດທາງເດີນ ແຊງບໍ່ຮັບປະກັນ ບໍ່ປ່ອຍສິດເວລາອອກສູ່ທາງໃຫຍ່ ລ່ວງອຳນາດ ລ່ວງປ້າຍຫ້າມ ຈອດລົດຊະຊາຍ ຂັບຂີ່ລົດເປັນພຶງເປັນແພ ແລະ ອື່ນໆ.
ທີ່ມາ: ນສພ ວຽງຈັນໃຫ່ມ
© ໂຕະນໍ້າຊາ | tonamcha.com
___________
Post a Comment